Almatyda XVI Halyqaralyq Astronomııalyq olımpıada bastaldy
MATY. 23 qyrkúıek. QazAqparat /Názıra Eleýhan/ - Almatyda «Bóbek» ulttyq ǵylymı-tájirıbelik, bilim berý jáne saýyqtyrý ortalyǵynda Qazaqstan táýelsizdiginiń 20 jyldyǵy jáne ıÝ. Gagarınniń ǵaryshqa ushýyna 50 jyl tolýyna oraı oqýshylar arasynda XVI Halyqaralyq Astronomııalyq olımpıadasynyń ashylý saltanaty ótip jatyr.
Bilim saıysyna qatysýǵa 19 elden 21 komanda ótinish bergen.
Halyqaralyq olımpıada úsh týrdan turady. Teorııalyq týrda jas astronomdar esep shyǵaryp, astronomııanyń joǵarǵy deńgeıdegi tórt bólimin qamtıtyn tapsyrmalardy oryndaıdy jáne qosymsha bilim beretin fızıka iliminiń kosmostyq aspektileri boıynsha bilimderin synǵa salady. Ekinshi - baqylaý týrynda qatysýshylardyń juldyzdy aspan týraly bilimderi synalady. Al úshinshi - tájirıbe týrynda oqýshylar ortalyqta júrgiziletin ǵylymı-zertteý jumystarmen tanysyp, olardyń jınalǵan bilimderi tekseriledi. Olımpıada qatysýshylaryna Ulttyq kosmostyq zertteýler men tehnologııalar ortalyǵy men ál-Farabı atyndaǵy QazUÝ-dyń ǵalymdarynan quralǵan ádil-qazylar alqasy qazylyq jasaıdy. Qazylar alqasynyń tóraǵasy -V. Fesenkov atyndaǵy Astrofızıka ınstıtýtynyń dırektory Shyńǵys Omarov.
«Qazaqstan Respýblıkasynyń Prezıdenti N.Á. Nazarbaev jaratylystaný-matematıkalyq ǵylymdaryn tereńdete oqytýdy qamtıtyn, básekege qabiletti bilim berýdi memlekettiń negizgi strategııalyq mindetteri qataryna qoıǵan bolatyn. Osyǵan oraı, ortalyq jalpy orta bilim beretin mektep oqýshylarynyń astronomııa jáne fızıka salalaryna qyzyǵýshylyǵyn arttyrý, olardy ǵarysh salasynan tolyq málimet beretin úıirme, sektsııa, klýb jumystaryna baýlý maqsatynda jáne ári teorııa men tájirıbeni ushtastyrýǵa kómektesý maqsatynda osy olımpıadany ótkizip otyr»,-dedi «Bóbek» ulttyq ǵylymı-tájirıbelik, bilim berý jáne saýyqtyrý ortalyǵynyń dırektory Aqberen Elgezek.
Olımpıada qyrkúıektiń 30-na deıin ótetin bolady.
