Almatyda XIII Seimar Open golftan Qazaqstan chempıonaty ótip jatyr
ALMATY. Qyrkúıektiń 4-i. QazAqparat /Ádilet Musahaev/ - Búgin Almatydaǵy «Nurtau» golf-klýbynda XIII Seimar Open golf oıyny áýesqoılary arasynda Qazaqstan chempıonaty ótip jatyr,
dep habarlaıdy QazAqparat.
Saıysqa Qazaqstan, Reseı, Qyrǵyzstan, Koreıa, Japonııa, AQSh jáne Eýroodaq elderinen ártúrli jas mólsherinde 100-ge jýyq adam qatysýda. Uıymdastyrýshylardyń aıtýynsha, osy joly ózderin myqty oıynshy retinde baıqatqan Koreıa ókilderi sátti óner kórsetedi dep kútilýde. Sonymen qatar Ilıa Korechnıkov, Roman Morozov jáne Qostanaı golf mektebinen Bekarys Sultanǵazın syndy bolashaǵynan úlken úmit kúttiretin elimizdiń oıynshylary da bar. Osy sportshylardyń nemese olardyń qurdastarynyń biri 2016 jyly Rıo-de-Janeıroda ótetin Olımpıadalyq oıynda Qazaqstan namysyn qorǵaıdy.
1998 jyldan bastaý alatyn Seimar Open Qazaqstan chempıonatyna osy ýaqytqa deıin myńnan asa oıynshy qatysqan, olardyń qatarynda álemniń ár elinen kelgen kásibı jáne áýesqoı sportshylar bar.
