Almatyda XIII Halyqaralyq Djaz Festıvali ashyldy
ALMATY. QazAqparat - Jyl saıyn ótip turatyn bul festıvaldyń shymyldyǵyn bıyl Tagır Zarıpov basqaratyn Djaz Bend orkestri men Baky Dýıarly (Túrkııa) basqaratyn kvartet ashady. Bul týraly búgin Almatyda ótken baspasóz maslıhatynda festıvaldiń menedjeri Qarlyǵash Maqatova málimdedi.
Onyń aıtýynsha, 2-6 sáýir aralyǵynda ótetin bul festıvalǵa Shveıtsarııadan, Germanııadan jáne Frantsııadan kelgen belgili djaz toptary óner kórsetedi. «Sonymen qatar, festıval aıasynda shetelderden kelgen djaz mamandary Almatydaǵy Djaz mektebide sheberlik synyptaryn ótkizedi. Sondaı-aq tuńǵysh ret Qazaq ulttyq óner ýnıversıtetiniń Bıg Bend jáne «Dervıshı» tobynyń «Vostochnyı Ekspress» etno toby óner kórsetedi», - dedi Qarlyǵash Maqatova. Esterińizge sala keteıik ,atalmysh festıvaldyń negizin Djaz Bend orkestriniń jetekshisi Tagır Zarıpov qalaǵan. Bıyl osymen 13-ret óteıin dep otyrǵan bul mádenı sharaǵa Almaty qalasynyń ákimdigi men Túrkııa, Shveıtsarııa, Germanııa jáne Frantsııa elshilikteri traqty túrde qoldaý kórsetip keledi. Alǵashqy Djaz kontserti búgin Almaty qalasynda Jambyl atyndaǵy fılarmonııada keshki saǵat 19.00 bastalady.
