Almatyda volonterlik qozǵalystyń jańa baǵyty tanystyryldy
Bul jıyn barysynda Qazaqstandaǵy jańa volonterlik baǵyt – quqyqtyq kómek boıynsha erikti kómek kórsetý jobasy tanystyryldy.
Atalǵan respýblıtkalyq volonter qozǵalysy qatarynda Qazaqstannyń túkpir-túkpirinde 3000-ǵa jýyq volonter jumys isteıdi. Olar áleýmettik, ınklıýzıvti, quqyqtyq kómek kórsetýmen aınalysady.
«Іzgilik elshisi – Akselerator dobra» jobasynyń jetekshisi Aınur Sábıtova Memleket basshysy volonterlerge 7 basym baǵytty mindettegenin aıtty.
«Memleket basshysy muny memlekettik organdarǵa tapsyrma etip bergeni erekshe este qaldy. Bul korporavtıti volonterlik retinde tıimdi jumys bolatyny anyq. Barlyq memlekettik qurylym men memlekettik qyzmetkerler jastarymyzǵa osy qyzmetti júzege asyrýǵa kómektesse deımiz. Búginde kóptegen memlekettik qurylymdar ún qosyp jatyr. Munda ádilet organdarynyń, «Qazaqstan zańgerler odaǵy» resýpblıkalyq uıymynyń ókilderi otyr. Osy tulǵalarmen birigip muqtaj adamdarǵa kómek kórsetemiz», - dedi Aınur Sábıtova.
Qala ákiminiń orynbasary Erjan Babaqumarov Volonter jyly búkil Qazaqstandaǵy eriktiler qozǵalysynyń damýyna tyń serpin beretinin aıtty
«Ákimdik 2020 jylǵy jumys josparyn jasady. Jastardyń barlyq usynystary sol qujatta kórinis tapty. Tolyqtyratyn tustaryńyz bolsa, tyńdaýǵa ázirmiz. Búginde qalada volonter jumysyn júrgizetin arnaıy shtab qurylady. Ol jerde volonterler mektebi ashylady. Sonymen qatar áleýmettik, sport, eko-volonterlik, zań, korporatıvti baǵytta jumys júrgiziledi», - dedi ákim orynbasary.
