Almatyda volonterler 2000 maskany tegin taratty
ALMATY. QazAqparat – Almatyda volonterler az qamtylǵan jáne kópbalaly otbasylarǵa medıtsınalyq maska taratý aktsııasyn ótkizdi, dep habarlaıdy QazAqparat tilshisi.
Maskany tegin taratý arqyly olar taǵy bir ret turǵyndarǵa sanıtarlyq normalardy saqtaýdy eske saldy.
«Qazir Almaty qalasy «qyzyl» aımaqta tur. Sondyqtan densaýlyq bizdiń basty qundylyǵymyz ekenin jáne ony qorǵaý birinshi kezektegi mindet ekenin umytpaǵan jón. Búgin volonterler «Nur Otan « partııasynyń qoldaýymen az qamtylǵan jáne kópbalaly otbasylarǵa medıtsınalyq maskalardy tegin taratty.Sonymen qatar, aýrýhanalardyń kireberisi men halyq kóp jınalatyn Arbatta taratyldy», - dedi «Qazaqstannyń eriktiler lıgasy» QQ Almaty qalasy fılıalynyń tóraǵasy Nurjan Jasuzaqov.
Volonterler aktsııa barysynda 2000-nan astam maska taratty.
Aıta ketý kerek, 10 naýryzda Almaty qalasy koronavırýs boıynsha «qyzyl» aımaqqa engen bolatyn. Qalanyń bas memlekettik sanıtarlyq dárigeri Jandarbek Bekshın jańa qaýly shyǵardy. Oǵan sáıkes demalys jáne mereke kúnderi qalada sport keshenderi, sporttyq-saýyqtyrý ortalyqtary men fıtnes-ortalyqtar, sondaı-aq, saýda, oıyn-saýyq ortalyqtary, saýda úıleri men saýda jelileriniń qyzmetine tyıym salynǵan.
