Almatyda Volkswagen Transporter kóligi órtendi
ALMATY. QazAqparat - Almaty mańynda Volkswagen Transporter kóligi órtke orandy, dep habarlaıdy QazAqparat tilshisi.
Tótenshe jaǵdaı túski saǵat 11:00-der shamasynda Qulja tasjolynda Avat aýylynda bolǵan.
Júrgizýshi motor bóligindegi tútindi der kezinde baıqap, qashyp úlgergen.
Tótenshe jaǵdaıdan eshkim japa shekken joq.
«Abyroı bolǵanda, sol ýaqytta Eńbekshiqazaq aýdany Esik qalasyna qarasty №6 qaraýyl (4 adam) Báıterek aýylyndaǵy órtti sóndirip qaıtyp kele jatqan.
Órt sóndirýshiler jańadan alaýlaı bastaǵan motor bóligindegi órtti der ýaqytynda sóndirdi.
Avat aýylyna eń jaqyn órt sóndirý pýnkti 12 shaqyrym qashyqtyqta ornalasqanyn eskersek, kezdeısoq kezdesý bolmaǵanda kóliktiń túgi qalmaı órtenip keter edi», - dedi oblystyq TJD baspasóz hatshysy Azamat Jurtbaev.
