Almatyda voleıboldan Joǵary lıganyń «A» tobyndaǵy áıelder komandalary el chempıonatynyń aqtyq týryn ótkizýde
ALMATY. 9 sáýir. QazAqparat - Búgin Almatyda voleıboldan Joǵary lıganyń «A» tobyndaǵy áıelder komandalary arasynda Qazaqstan chempıonatynyń 5-shi týry bastaldy.
Qazir týrnır kestesinde 20 oıynnan keıin Óskemenniń «Shyǵys-QorǵasynQurylys» komandasy 50 upaımen kósh bastap kele jatyr. Ony 47 upaımen «Qostanaı» voleıbolshylary ókshelep kele jatyr. Úshinshi orynǵa astanalyqtardyń «Gratsııa-Astana Kz» komandasy taban tirep tur. Al pavlodarlyqtarda (Ertis-Qazhrom-2») - 22, temirtaýlyqtarda («Spartak AMT») - 20, qaraǵandylyqtarda («Qaraǵandy-2») - 6 upaı ǵana bar.
Aqtyq týrdaǵy alǵashqy oıyndy qostanaılyqtar qaraǵandylyqtarmen, óskemendikter temirtaýlyqtarmen, pavlodarlyqtar astanalyqtarmen ótkizýde.
