Almatyda voleıboldan Joǵary lıgadaǵy áıelder komandalary arasynda HH Qazaqstan chempıonatynyń 2-týr oıyndary ótti

Onda barlyq kezdesýde aıqyn basymdyqpen jeńiske jetken qostanaılyqtar 33 upaımen týrnır kestesindegi kóshbasshylyq tizgindi óz qolyna tolyq aldy. Buǵan deıin 13-18 qarashada Oralda ótken 1-týrda olar Temirtaýdyń «Spartak AMT» komandasymen birdeı upaı jınap (18 upaıdan) týrnır kestesinde qatar oryn tepken bolatyn. Bul joly temirtaýlyqtardy 3:0 esebimen oısyraı utqan qostanaılyqtar basty qarsylasynan 3 upaıǵa uzap ketti. Úshtik úshtikti túıindegen Oraldyń «Gratsııa-KZ» komandasynyń qorjynynda 23 upaı bar. Olar alǵashqy týrda qarsylastarynan 3 upaıǵa ǵana artta bolsa, bul joly ara-qashyqtyqty 10 upaıǵa deıin uzartyp aldy. Odan keıingi orynda 22 upaı jınaǵan Pavlodardyń «Qazhromy» men 19 upaımen Almatynyń «Almatınochkasy» kele jatyr. 1-týrda Qaraǵandy oblysynyń «Qaraǵandy-2» komandasymen birge 11 upaıdan jınaǵan «Almatınochka» bul joly týrnır kestesinde 1 saty kóterilip, alǵashqy bestiktiń qataryna qosyla aldy. Al elordanyń «Astana-2» (16 upaı), Óskemenniń «Shyǵys-QorǵasynQurylys»(11 upaı), Almatynyń «QazEÝ» (11 upaı) men «TsSKA-VKS» (8 upaı), Shymkenttiń «Qazyǵurt» (5 upaı), Almaty oblysynyń «Jetisý-2» (1 upaı) komandalary 7-12 ornydy ózara bólisti.