Almatyda voleıboldan joǵary lıgadaǵy áıelder komandalary arasynda el chempıonatynyń 2-týry ótedi
ALMATY. 1 jeltoqsan. QazAqparat /Erlik Erjanuly/ - Almatyda 3-8 jeltoqsanda Oktıabr Jarylǵapov atyndaǵy sport kesheninde voleıboldan joǵary lıgadaǵy áıelder komandalary arasynda XIX Qazaqstan chempıonatynyń 2-týry ótedi.
11-16 qarasha kúnderi Temirtaýda bolǵan alǵashqy týrdyń qorytyndysy boıynsha qazir Óskemenniń «Shyǵys-Qorǵasyn Qurylys» komandasy 17 upaımen 1-orynda kele jatyr. Ekinshi orynda 13 upaımen Temirtaýdyń «Spartak AMT», al odan keıingi oryndarda birdeı upaı jınaǵan (12) «Ivolga» (Qostanaı) men «Almaty-TsSKA» (Almaty) tur. Aınalma júıesi boıynsha ótetin bul el chempıonaty 5 týrdan turady. Oıyndar jarysqa komandalary qatysyp jatqan qalalarda ótedi. Ekinshi aınalymnyń qorytyndysy boıynsha alǵashqy altylyqqa kirgender odan keıin 1-6, al ózgeleri 7-10 oryndar úshin talasatyn bolady.
