Almatyda voleıboldan Joǵarǵy lıgadaǵy áıelder komandalary arasynda el chempıonatynyń 2-týry ótip jatyr

ALMATY. 8 jeltoqsan. QazAqparat /Erlik Erjanuly/ - Almatyda voleıboldan Joǵarǵy lıgadaǵy áıelder komandalary arasynda HH Qazaqstan chempıonatynyń 2-týry ótip jatyr. Alǵashqy eki kúnniń qorytyndysy boıynsha 12 komandanyń arasynda Pavlodar («Qazhrom»), Astana («Astana-2») jáne Qostanaı komandalary jeńilissiz kele jatyr. Búgingi kezekti týrdan soń, komandalar bir kún tynyǵyp senbi-jeksenbi kúnderi aqtyq kezdesýlerin ótkizedi.

Buǵan deıin 13-18 qarasha kúnderi Oralda ótken alǵashqy týrdy «Qostanaı» voleıbolshylary ǵana jeńilssiz aıaqtaǵan bolatyn. Al «Qazhrom» 2 oıynda, al «Astana-2» 4 oıynda jeńilis tapqan edi.