Almatyda voleıboldan Joǵarǵy lıgadaǵy áıelder komandalary arasynda el chempıonatynyń 2-týry bastaldy
ALMATY. 6 jeltoqsan. QazAqparat /Erlik Erjanuly/ - Búgin Almatydaǵy Oktıabr Jarylǵapov atyndaǵy sport zalda voleıboldan Joǵarǵy lıgadaǵy áıelder komandalary arasynda HH Qazaqstan chempıonatynyń 2-týry bastaldy.
Onda aldymen Pavlodardyń «Qazhromy» men Óskemenniń «Shyǵys-QorǵasynQurylys», Qaraǵandy oblysynyń «Qaraǵandy-2» men Astananyń «Astana-2» komandalary kezdespek. Odan keıin «TsSKA-VKS» (Almaty) pen «Qazyǵurt» (Shymkent), «Gratsııa» (Oral) men «Jetisý-2» (Almaty oblysy), «Ivolga» (Qostanaı) men «QazEÝ» (Almaty), «Spartak AMT» (Temirtaý) men «Almatınochka» (Almaty) kezdesedi. Ekinshi týr oıyndary 11-jeltoqsanǵa deıin sozylady. Buǵan deıin Oralda 13-16 qarasha kúnderi alǵashqy týrda qostanaılyqtar barlyq oıynda jeńiske jetip, týrnır kestesinde kósh bastaǵan bolatyn.
