Almatyda voleıboldan XVII «QR Prezıdenti kýbogy XVII halyqaralyq týrnıri bastaldy
Y. Shildeniń 6-sy. QazAqparat /Erlik Erjanuly/ - Búgin Almatyda voleıboldan erler men áıelder komandalary arasynda "QR Prezıdenti kýbogy" XVII halyqaralyq týrnıri bastaldy.
Ol Balýan Sholaq atyndaǵy sport saraıynda 2011 jylǵy VII Qysqy Azııa oıyndary qarsańynda júrgizilgen kúrdeli jóndeý jumysynan keıingi eń alǵashqy sporttyq saıys boldy. Dástúrli túrde jyl saıyn ótetin bul sport dodasynda erlerden - 5 (Iran, Qazaqstan, Reseı jáne Týnıs), áıelderden - 4 (Qazaqstan, Qytaı men Ýkraına) komandalary qatysýda. Aınalym júıesi boıynsha ótetin jarys áıelder arasynda Ýkraına ulttyq quramasy men Qytaıdyń "Djıangsý" voleıbol klýby arasyndaǵy oıynmen bastaldy. Onda ýkraındyqtar 0:3 esebimen oısyraı utyldy. Búgin endi kelesi 2 oıyn erler arasynda ótpek. Onda Qazaqstannyń jastar men eresekter quramasy jáne Týnıs pen Irannyń ulttyq quramalary kezdesedi dep josparlanyp otyr.
