Almatyda voleıboldan VI jazǵy ýnıversıada oıyndary bastaldy
ALMATY. 10 mamyr. QazAqparat /Erlik Erjanuly/ - Búgin Almatydaǵy Qazaq ulttyq agrarlyq ýnıversıtetiniń Oktıabr Jaryǵapov atyndaǵy sport kesheninde voleıboldan erler komandalary arasynda VI jazǵy ýnıversıada oıyndary bastaldy.
Oǵan respýblıkanyń oblystarynan 17 joǵary oqý ornynyń komandasy qatysyp jatyr.
«15 mamyrǵa deıin sozylatyn bul baıraqty básekede olar 4 topqa bólinip ózara saıysqa túsedi. Óz tobynda top jarǵandar júldeli oryndardy sarapqa salsa, ekinshi oryn alǵandar 5-8 oryndar úshin talasady. Sońǵy ýnıversıada oıyndarynda Ońtústik Qazaqstan memlekettik ýnıversıteti, Qazaq ulttyq agrarlyq ýnıversıteti, Soltústik Qazaqstan memlekettik ýnıversıteti men ál-Farabı atyndaǵy Qazaq ulttyq ýnıversıtetiniń komandalary 1-4 oryndy ózara bólisken edi. Bıyl ońtústikqazaqstandyqtar alǵashqy oıynda Qyzylorda memlekettik ýnıversıeteniń komandasyna 2:0 esebimen ese jiberdi», - deıdi jarystyń bas tóreshisi, halyqaralyq jáne ulttyq dárejedegi tóreshi Lıýdmıla Kım. Onyń aıtýynsha, bıylǵy ýnıversıda asa tartysty ótýi múmkin. Óıtkeni júldeli orynnan basty úmitkerdiń qatary bıyl jańa komandalarmen tolyǵyp otyr. Onda ulttyq qurama men Ulttyq jáne Joǵary lıgada óner kórsetetin oıynshylar bar.
