Almatyda voleıboldan Ulttyq lıgadan el chempıonatynyń 5-shi týry ótip jatyr
ALMATY. 29 naýryz. QazAqparat - Almatyda voleıboldan erler arasynda Ulttyq lıgadaǵy HHІ Qazaqstan chempıonatynyń 5-shi týr oıyndary ótip jatyr.
Keshe alǵashqy synda Óskemenniń «Shyǵys-QorǵasynQurylysy» Oraldyń «Kondensatyna», «atyraýlyqtar» «esildikterge» (Qyzyljar) 0:3 esebimen oısyraı utylyp, al hromtaýlyqtar («TNK Qazhrom») «pavlodarlyqtarǵa» 2:3 esebimen ese jiberdi.
Búgin «Pavlodar» men «Shyǵys-QorǵasynQurylys», «Kondensat» pen «Atyraý», «Almaty» men «TNK Qazhrom» ózara kúsh synasady.
Qazir týrnır kestesinde 24 oıynnan keıin «Almaty» 55 upaımen kósh bastap kele jatyr. Al olardan 1 oıyny artyq hromtaýlyqtarda - 50, oraldyqtarda - 44, atyraýlyqtarda - 39, pavlodarlyqtarda - 37, qyzyljarlyqtarda - 20, óskemendikterde 16 upaı bar.
