Almatyda voleıboldan Ulttyq lıgadaǵy erler komandalary arasynda el chempıonatynyń 3-týry ótedi
ALMATY. 8 aqpan. QazAqparat /Erlik Erjanuly/ - Almatydaǵy «Temir Dos» sport kesheninde 11-16 aqpanda voleıboldan Ulttyq lıgadaǵy erler komandalary arasynda HІH Qazaqstan chempıonatynyń 3-týr oıyndary bolady.
Qazirgi kezde týrnır kestesindegi alǵashqy 2 týrdyń qorytyndysy boıynsha 1-orynda 20 upaımen «Almaty» komandasy tur. Olardan 4 upaıy kem Hromtaýdyń «TNK Qazhromy» men Óskemenniń «TNK Qazhromy» úzdik úshtikti túıindep tur. Odan keıingi oryndarda 13 upaımen «Esil» (Qyzyljar), 13 upaımen «Kondensat» (Oral) jáne 11 upaımen «Atyraý» (Atyraý) kele jatyr. Jalpy ekinshi týrda qyzyljarlyqtar men óskemendikterdiń matchynda oıyn tártibi buzylǵandyqtan «TNK Qazhrom» esebine 3:0 esebimen jeńilis jazylǵan edi.
Almatydaǵy 3-týr «TNK Qazhrom» men «Kondensat» arasyndaǵy matchpen bastalady. Jarystyń alǵashqy kúni sondaı-aq, óskemendikter qyzyljarlyq, al alań qojaıyndary atyraýlyq voleıbolshylarmen kúsh synasatyn bolady.
