Almatyda voleıboldan Ulttyq lıgadaǵy áıelder komandalary arasynda el chempıonatynyń 2-týry ótip jatyr

Keshe alǵashqy oıynda pavlodarlyqtar («Ertis-Qazhrom») temirtaýlyqtardy («Metallýrg AMT») 3:2, qaraǵandylyqtar almatylyqtardy 3:1, astanalyqtar óskemendikterdi («Shyǵys-QorǵasynQurylys») 3:0 esebimen jeńdi. Búgin endi «MetallýrgAMT» men «Astana», «Shyǵys-QorǵasynQurylys» pen «Almaty» jáne 1-oıyn kúni jupsyz qalǵan jetisýlyqtar (Almaty oblysy) men «ErtisQazhrom» kezdesedi. Jetisýlyqtar 1-týrda barlyq qarsylasyn qapy qaldyryp, týrnır kestesinde 18 upaımen kósh bastaǵan bolatyn. Olardan 3 upaı qalyp qoıǵan pavlodarlyqtar 2-týrda 2 upaımen kósh sońynda kele jatqan temirtaýlyqtarmen upaı bólisýge májbúr boldy. Al 12 upaımen 3-orynda kele jatqan astanalyqtar 3 upaıǵa qol jetkizse, 7 upaımen 4-orynda turǵan almatylyqtar 6 upaımen ózderin ókshelep kele jatqan qaraǵandylyqtardyń ózderin basyp ozýyna múmkindik berip qoıdy.