Almatyda voleıboldan stýdentterdiń úzdik komandasy anyqtaldy
ALMATY. QazAqparat - «Sporttyq Almaty» baǵdarlamasy aıasynda Qazaq sport jáne týrızm akademııasynyń sport kesheninde Almaty qalasynyń joǵary oqý oryndarynyń stýdentteri arasynda jarys ótti, dep habarlaıdy QazAqparat qalalyq aqparattyq jáne sporttyq HAB-qa silteme jasap.
«Ótken jylmen salystyrǵanda bıyl komandalar kóptep qatysýda, qatysýshylar sany eki ese ósti. Al jaqyn arada biz stýdentter arasynda shaǵyn fýtboldan jarys ótkizýdi josparlap otyrmyz», - dedi «Sporttyq Almaty» baǵdarlamasynyń uıymdastyrýshysy Álııa Shaıhan.
Aıtsa ketsek, jarysqa 37 komanda qatysty. ıAǵnı Almaty qalasynyń joǵary oqý oryndarynyń ár túrli jas sanatyndaǵy 350-ge jýyq stýdenti oınady.
«Búgingi jarys kúni jeńispen bastaldy. Jarys deńgeıi joǵary boldy. Uıymdastyrýshylarǵa alǵys aıtamyz! Ádemi oıyn kórsetýge tyrysamyz», - dedi QazSTA 2 kýrs stýdenti Baǵdat Qadyrbaı.
Qyzyqty ári tartysty oıyndardyń qorytyndysy boıynsha QazSTA stýdentteri eń myqty dep tanyldy - qyzdary da, uldary da altyn medaldarǵa ıe boldy.
Jigitter arasynda ekinshi oryndy AEjBÝ komandasy jáne úshinshi oryndy NARHOZ stýdentteri ıelendi. Qyzdar arasynda ekinshi orynǵa QazMQPÝ jaıǵasty jáne úzdik úshtikti AEjBÝ ókilderi túıindedi.
Jeńimpazdar men júldegerler dıplom, medaldar, kýbok jáne syılyqtarmen marapattaldy.
Uıymdastyrýshylardyń aıtýynsha, jarystyń maqsaty - joǵary oqý oryndarynyń stýdentteri arasynda salaýatty ómir saltyn nasıhattap, úzdik komandalardy anyqtaý. Aıta keterligi, «Sporttyq Almaty» baǵdarlamasy alyp shahardaǵy buqaralyq sportty damytýǵa baǵyttalǵan.
