Almatyda voleıboldan «QR Prezıdenti kýbogy úshin XVII halyqaralyq týrnır ótedi,
ALMATY. Maýsymnyń 29-y. QazAqparat /Erlik Erjanuly/ - Almatyda shildeniń 6-11 kúnderi voleıboldan erler men áıelder komandalary arasynda "QR Prezıdenti kýbogy" úshin XVII halyqaralyq týrnıri ótedi,
dep habarlaıdy QazAqparat.
Ony Týrızm jáne sport mınıstrligi, QR Ulttyq voleıbol federatsııasy jáne Almaty qalasynyń ákimdigi birigip uıymdastyryp otyr. Dástúrli túrde jyl saıyn ótetin bul baıraqty báseke Balýan Sholaq atyndaǵy sport saraıynda 2011 jylǵy VII Qysqy Azııa oıyndary qarsańynda júrgizilgen kúrdeli jóndeý jumysynan keıingi eń alǵashqy jarys bolmaq. Onda erler arasynda Aljır, Iran, Qazaqstan, Reseı jáne Týnıs, al áıelder arasynda Aljır, Qazaqstan, Qytaı men Ýkraına komandalary saıysqa túsedi.
Aınalym júıesi boıynsha ótetin jarys áıelder arasynda Ýkraına ulttyq quramasy men Qytaıdyń "Djıangsý" voleıbol klýby jáne Qazaqstan men Aljır ulttyq quramalary arasyndaǵy oıynmen bastalady. Al erler arasynda alǵashqy kúni Aljır ulttyq quramasy men Reseıdiń "Lokomotıv-Izýmrýd" komandasy, Týnıs pen Iran jáne Qazaqstan ulttyq quramasynyń 1-2 quramy ózara kezdesedi.
