Almatyda voleıboldan Qazaqstan chempıonatynyń 3-týry ótýde
ALMATY. 14 aqpan. QazAqparat /Erlik Erjanuly/ - Almatydaǵy "Temir dos" sport kesheninde voleıboldan Ulttyq lıgadaǵy erler komandalary arasynda HІH Qazaqstan chempıonatynyń 3-týry ótip jatyr.
Týrnır kestesinde kósh bastap kele jatqan jarys qojaıyndary keshe Óskemenniń "Shyǵys-Qorǵasyn Qurylys" komandasyna 0:3 (25-22, 25-16, 25-22) esebimen oısyraı utyldy. Buǵan deıin almatylyqtar "TNK Qazhrom" (Hromtaý) men "Atyraýdy" osyndaı eseppen tize búktirgen bolatyn. Al úzdik úshtikti túıindep turǵan óskemendikter Qyzyljardyń "Esilin" 3:1 esebimen utqanymen, Oraldyń "Kondensatyna" 0:3 esebimen oısyraı utylyp qaldy.
Alǵashqy 2 týrdyń qorytyndysy boıynsha kóshbasshydan 4 upaı artta qalǵan hromtaýlyqtar "Atyraý" ( 3:1) men "Kondensatty" (3:0) utqanymen "Almatyǵa" (3:0) taǵy da ese jiberdi. Búgin barlyq komandalar tynyǵyp, jarysty erteń odan ary jalǵastyrady. Al 3-týrdyń aqtyq kezdesýleri 16 aqpanda ótedi.
