Almatyda voleıboldan erlerdiń Ulttyq lıga komandalary arasynda birinshi týr máresine jetti
ASTANA. QazAqparat – Almaty qalasynda erlerdiń Ulttyq lıga komandalary arasynda HHHІ Qazaqstan chempıonatynyń birinshi týr oıyndary máresine jetti, dep habarlaıdy QazAqparat tilshisi.
Qazaqstan voleıbol federatsııasynan málim etkenindeı, el chempıony «Atyraý» klýby (bapkeri Vıktor Kozık) jańa maýsymda da babynda ekendigin aıqyn baıqatyp, qarsylastarynyń bárin utyp, kósh bastady.
Birinshi týr aıasynda sýperkýbokti de jeńip alǵan atyraýlyqtar enshisinde 21 upaı bar.
Atyraýlyqtarǵa ǵana ese jibergen, Rafaıl Gılıazýtdınov jattyqtyratyn «Býrevestnık» klýby 18 upaımen ekinshi orynda keledi.
«Pavlodar» voleıbolshylary (bapkeri Igor Nıkolchenko) 14 upaımen úzdik úshtikti túıindep tur.
Bıyldan bastap Oral voleıbolynyń túlegi Mırlan Badashev baptaıtyn «Ushqyn» (Kókshetaý) klýby 11 upaımen tórtinshi orynǵa taban tiredi.
Araǵa jyldar salyp, Ulttyq lıgaǵa qaıta oralǵan Oraldyń «Jaıyǵy» 4 upaımen jetinshi orynǵa jaıǵasty. Aleksandr Stolnıkovtiń shákirtteri kósh basyndaǵy komandalarmen taıtalasa almaǵanymen, quramyn nyǵaıtsa, basqalarmen terezesi teń óner kórsete alatynyn ańǵartty. Mysaly, «Ushqynmen» ótken oıynda 2:0 esebimen utyp jatyp, sol qarqynyn jalǵastyra almaı, ese jiberip qoıdy.
Ekinshi týr oıyndary da aldaǵy jeltoqsan aıynda Almatyda ótedi.
Eske sala keteıik, budan buryn «Atyraý» voleıbol klýbynyń sýperkýbok ıegeri atanǵanyn jazǵan bolatynbyz.
Sondaı-aq «Jaıyq» voleıbol klýby Ulttyq lıgadaǵy alǵashqy jeńisine qol jetkizdi.
Foto: instagram.com/volleyfederationkz
