Almatyda voleıboldan erler komandalary arasynda Qazaqstan kýbogynyń shırek fınaldyq oıyndary ótedi
ALMATY. 14 qazan. QazAqparat /Erlik Erjanuly/ - Almatyda 18-26 qazanda «Temir dos» sport kesheninde voleıboldan Qazaqstan kýbogynyń shırek fınaldyq oıyndary bolady. Bul dúbirli doda bıyl KSRO Sport sheberi jáne Eńbek sińirgen jattyqtyrýshy Oktıabr Jaryqapovty eske túsirýge arnalyp otyr. Oǵan Almaty qalasynan - 2, al Atyraý, Qyzyljar, Óskemen, Taraz, Shymkent jáne Hromtaý qalalarynan bir-birden komanda qatyspaq.
Jarystyń alǵashqy kúni «Ushqyn-QazNAÝ»(Almaty) men «TNK Hromtaý»,«Shyǵys-QorǵasynQurylys» (Óskemen) pen «Dınamo-Qazyǵurt» (Shymkent), «Atyraý» men «Esil» (Qyzyljar), «Almaty» men «TarGÝ»(Taraz) ózara kúsh synasady. QR Voleıbol federatsııa taratqan habarlamaǵa qaraǵanda, shırek fınalda komandalar árbir 2 kezdesýden keıin bir kún tynyǵyp, tórtinshi kúni jarysty qaıta jalǵastyryp otyrmaq. Bul synda úzdik tórttiktiń qatparyna ilikkender odan keıin 29-30 qazanda Almatyda jartylaı jáne aqtyq fınalda qaıta kezdesetin bolady.
