Almatyda voleıboldan erler komandalary arasynda Qazaqstan kýbogynyń aqtyq oıyndary ótedi
ALMATY. Qazannyń 22-si. QazAqparat /Erlik Erjanuly/ - Hromtaýda qazannyń 13-20-sy kúnderi voleıboldan erler komandalary arasyndaǵy Qazaqstan kýbogynyń shırek fınaldyq oıyndary ótti.
Onda jarys qojaıyndarynyń «Qazhromy» «Semeı» (Semeı), «Ushqyn» (Astana), «Kondensat» (Oral), «Ertis-AO-AK» (Pavlodar oblysy) komandalaryn - 3:0, «Esil» (Qyzyljar) men «Atyraý» (Atyraý) komandalaryn - 3:1, al «Shyǵys-QorǵasynQurylysty» (Óskemen) 3:2 esebimen utyp barlyq oıynda mereıi ústem boldy. Endi úzdik tórttikke engen «Qazhrom», «Esil», «Kondensat» jáne «Atyraý» voleıbolshylary qazannyń 30-31-i kúnderi Qazaqstan kýbogynyń Almatyda ótetin jartylaı jáne aqtyq fınalynda qaıta kezdesedi.
