Almatyda voleıboldan erler komandalary arasynda Qazaqstan Kýbogynyń aqtyq kezeńderi ótedi
ALMATY. Qazannyń 27-si. QazAqparat /Erlik Erjanuly/ - Almatyda qazannyń 30-31 kúnderi voleıboldan erler komandalary arasynda Qazaqstan Kýbogynyń jartylaı jáne aqtyq oıyndary bolady.
«Temir dos» sport kesheninde ótetin bul dodaǵa Hromtaýda ótken shırek fınaldyq oıynda úzdik shyqqan 4 komanda qatysady. Olar «TNK Qazhrom» (Hromtaý), «Esil» (Qyzyljar), «Kondensat» (Oral), «Atyraý» (Atyraý) voleıbolshylary. Alǵashqy kúni hromtaýlyqtar atyraýlyq, al qyzyljarlyqtar oraldyqtarmen kúsh synasady. Bul qarymta kezdesýde basym túsken komandalar kelesi kúni birinshi, al jeńilgenderi úshinshi oryn úshin talasatyn bolady.
