Almatyda voleıboldan áıelder komandalary arasyndaǵy Qazaqstan kýbogy jarysy bastalady
ALMATY. 27 tamyz. QazAqparat /Erlik Erjanuly/ - Almatyda 29-tamyzda Oktıabr Jarylǵapov atyndaǵy sport zalynda voleıboldan áıelder komandalary arasyndaǵy Qazaqstan kýbogy jarysynyń alǵashqy kezeńi bastalady. Oǵan Almaty qalasynan - «Almaty»,
«TsSKA», Temirtaý qalasynan - «Metallýrg AMT», Oral qalasynan - «Gratsııa-KZ», Óskemen qalasynan - «Shyǵys-QorǵasynQurylys» jáne Almaty oblysynan - «Jetisý-2» komandalary qatysqaly otyr. Jarystyq shırek fınaldyq oıyndary odan keıin 4-11 qazanda Pavlodarda jalǵasady. Oǵan irikteý kezeńinde úzdik tórttiktiń qataryna kirgender men Ulttyq lıgadaǵy 4 komandadan - «Jetisý», «Ertis-Qazhrom», «Qaraǵandy» jáne «Astana» voleıbolshylary qatysady. Al aqtyq synǵa joldama alǵan 4 komanda 4-7 qarasha kúnderi Almatyda Qazaqstan kýbogyn sarapqa salatyn bolady.
