Almatyda voleıboldan áıelder komandalary arasynda Qazaqstan kýbogynyń aqtyq oıyndary bolady
ALMATY. 12 qazan. QazAqparat /Erlik Erjanuly/ - Voleıboldan áıelder komandalary arasynda 2011 jylǵy Qazaqstan kýbogynyń jeńimpazy 28-31 qazanda Almatyda ótetin aqtyq oıyndarda belgili bolady.
Qazannyń 4-11 kúnderi Pavlodarda bolǵan shırek fınalda astanalyqtarmen birdeı upaı jınaǵanyna qaramastan, partııa jáne dop koeffıtsentteri boıynsha artta qalyp qoıǵan almatylyqtar joldamadan syrt qalyp qoıdy. Bul múmkindikke Almaty oblysynyń «Jetisý», Qaraǵandy qalasynyń «Qaraǵandy», Pavlodar oblysynyń «Ertis-Qazhrom» jáne Astana qalasynyń «Astana» komandalary ıe boldy. Onda jetisýlyqtar barlyq qarsylastaryn utyp, 20 upaımen 1-oryn aldy. Odan keıingi oryndardy «Qaraǵandy» (18 upaı), «Ertis-Qazhrom» (13 upaı), «Astana» (12 upaı) ózara bólisti. Al 12 upaımen «Almaty», 6 upaımen «Metallýrg-AMT» (Temirtaý), 2 upaımen «Gratsııa-KZ» (Oral), 1 upaımen «Shyǵys-QorǵasynQurylys» (Óskemen) jarysty ary qaraı jalǵastyrý múmkindigin qoldan shyǵaryp aldy.
