Almatyda voleıboldan áıelder arasynda Azııa kýbogy men FIVB-nyń Álemdik Gran-Prı jarysynyń irikteý týry ótedi
ALMATY. 4 qyrkúıek. QazAqparat - Almatyda 10-16 qyrkúıek kúnderi voleıboldan áıelder arasynda ІІІ Azııa Kýbogy úshin «QR Prezıdenti kýbogy» HІH Halyqaralyq týrnıri men FIVB-nyń Álemdik Grand-Prı jarysynyń irikteý saıysy ótedi.
QR Voleıbol federatsııasynyń bas hatshysy Ermek Syrlybaevtyń aıtýynsha, oǵan 8 komanda qatyspaq. Olar: Londondoǵy HHH jazǵy Olımpıada oıyndarynyń qola júldegeri bolǵan Japonııa, Olımpıadanyń jartylaı fınalynda óner kórsetken Ońtústik Koreıa, Azııa oıyndarynyń chempıony Qytaı, Álemdik Gran-Prı kezeńderinde tórtinshi oryn alǵan Taıland pen qytaılyq Taıpeı, Vetnam, Iran jáne Qazaqstan quramalary.
«Altynshy qyrkúıek jarysqa qatysatyn ulttyq qurama komandanyń 12 oıynshysynyń tizimi belgili bolady. Jaqsy sportshylardyń bári jınaldy. Búgin olardyń qataryna Túrkııada óner kórsetetin ýkraınalyq legıoner Olesıa Sobronova qosyldy. Ókinishke qaraı, jaraqatyna baılanysty ózimizdiń belgili lıberamyz Elena Ezaý qatysa almaıdy. Negizi komandamyz jaman emes. Bul týrnırge jaqsy daıyndyq jasaldy dep oılaımyn. 2013 jyly ótetin Álemdik Gran-Prıge Almatydaǵy irikteý týrnırinen joldama alatyn tórttiktiń qataryna enýdi aldymyzǵa basty maqsat etip qoıyp otyrmyz», - deıdi E.Syrlybaev. Onyń sózine qaraǵanda, «A» tobynda Koreıa, Taıpeı, Taıland quramalarymen baq synaıtyn qazaqstandyqtar tórttiktiń qataryna ený úshin 2 kezdesýde jeńiske jetýi tıis. Bul qıynǵa túsýi múmkin. Al «V» tobynda Qytaı, Japonııa, Vetnam jáne Iran komandalary synǵa túspek. Ulttyq quramanyń Bas bapkeri Aleksandr Gýtor: «Oqý-jattyǵý jıynyn Horvatııa elinde bastap, odan keıin Almaty men Býrabaıda pysyqtadyq. Odan keıin Vetnam men Qytaı elderinde odan ary jalǵastyryp alty-altydan baqylaý oıyndaryn ótkizdik. Bári oıdaǵydaı júrip jatyr. Jalǵyz másele oıynshylardyń eski syrqattarynyń syr berýi bolyp otyr», - dedi.
