Almatyda voleıbol festıvali ótýde
ALMATY. 4 maýsym. QazAqparat - Almatydaǵy Oktıabr Jarylqapov atyndaǵy sport kesheninde voleıbol festıvali ótip jatyr. Halyqaralyq voleıbol festıvali (FIVB) aıasynda dástúrli túrde jyl saıyn bolatyn bul sharany "Samuryq-Qazyna» ulttyq ál-
aýqat qorynyń qoldaýymen QR Sport isteri jáne dene shynyqtyrý agenttigi men QR Ulttyq voleıbol federatsııasy uıymdastyryp otyr. Maqsat - balalar men jasóspirimder sportyn damytyp, salaýatty ómir saltyn nasıhattaý. Onda sporttyq jarystan bólek, balalar arasynda túrli baıqaýlar men ulttyq qurama mesheleriniń klassıkalyq jáne jaǵalaı voleıbolynan sheberlik dáristeri de ótkizilýde.
Álemniń kóptegen elderinde dástúrli túrde jyl saıyn ótetin voleıbol festıvaline Qazaqstan ótken jyly qosylǵan bolatyn. Onda Almatyda mektep jasyndaǵy 200-den astam ul men qyz qatysqan edi. Bıyl da olar jas erekshiginine qaraı 1994-96, 1997-98 jáne 1999 jylǵylar men odan tómengiler úsh topqa bólinip ózara saıysqa túsýde. Jarys sońynda jeńimpazdar men júldegerler kýbok, medal jáne dıpdomdarmen marapattalmaq.
