Almatyda vokzaldaǵy jolaýshylar vagony órtendi
ALMATY. QazAqparat - Almaty-2 temir jol vokzalynda jolaýshylar vagony órtendi, dep habarlaıdy «QazAqparat» tilshisi qalalyq TJD-niń resmı ókili Sandýǵash Baımuhambetovanyń sózderine silteme jasaı otyryp.
«19 qańtarda saǵat 08:40-ta 101 pýltine Almaty qalasy Jetisý aýdany «Abylaı han kóshesi, 1» mekenjaıynda ornalasqan «Almaty-2» temir jol vokzaly stansasynda zapastaǵy jolda retteý úshin qoıylǵan jolaýshylar vagonynan órt shyqqany týraly habar tústi. Alǵashqy órt sóndirý qyzmeti oqıǵa ornyna saǵat 08-51-de jetti. Ózge vagondardan aǵytylyp, jeke turǵan vagonnyń qatty tútindep jatqany baıqaldy. Órt sóndirýshiler vagonda adam qalyp qoımaǵanyn anyqtap shyqty. Órt 08:56-da aýyzdyqtalyp, 9:10-da tolyǵymen sóndirildi. Órt aýmaǵy 20 sharshy metr», - dedi TJD-nyń resmı ókili.
Órtten japa shekkender joq. Órttiń shyǵý sebebi qaraýsyz qalǵan vagon peshindegi shoq bolýy yqtımal degen boljam jasaldy.
