Almatyda vırýs juqtyrý kórsetkishi eki ese azaıdy
ALMATY. QazAqparat – Almatyda epıdemıologııalyq jaǵdaı turaqtaldy. Bul týraly Almaty qalasynyń memlekettik bas sanıtar dárigeri Jandarbek Bekshın onlaın brıfıng barysynda málim etti, dep habarlaıdy QazAqparat tilshisi.
Onyń aıtýynsha, qalada koronavırýs ınfektsııasyn juqtyrý kórsetkishi eki ese azaıdy.
«Qazir Almatyda epıdemıologııalyq jaǵdaı jaqsardy. Ótken aptada 100 myń adamǵa shaqqanda aýrý deńgeıi 5 boldy. Aýrýdy juqtyrý kórsetkishi 2 ese tómendedi. Al kúndelikti aýrýdyń ósimi shilde aıyna qaraǵanda 35 ese tómendedi. Nátıjesinde juqpaly aýrýlar aýrýhanasyndaǵy tósek oryndardyń 83 paıyzy bosady. Osyndaı, obektıvti kórsetkish epıdemıologııalyq jaǵdaıdyń turaqtalǵanyn kórsetedi. Vırýs juqtyrýdyń tómendeýine qalada júrgizilip jatqan aldyn alý jumystary septigin tıgizdi», - dedi Jandarbek Bekshın.
