Almatyda Vıktor Tsoıǵa eskertkish ashyldy
ALMATY. QazAqparat - Almatyda áıgili «Kıno» tobynyń ánshisi Vıktor Tsoıǵa eskertkish ashyldy, dep habarlaıdy QazAqparat tilshisi.
Ánshiniń qoladan jasalǵan músini búgin 21-shildede Vıktor Tsoıdyń týǵan kúninde ashyldy.
Eskertkish «Ine» fılminiń túsirilim jumystary júrgizilgen jerge qoıyldy.
Adam boıymen birdeı jasalǵan músin asa bıik emes tuǵyrnamaǵa qoıylǵan. Syrttaǵy adamǵa ol oılanyp bara jatqan adamǵa uqsaıdy.
Aıta ketý kerek, munyń aldynda «Igla», «Iıa-Hha» fılmderiniń rejısseri Rashıd Nuǵmanov Vıktor Tsoı týraly nege fılm túsirmeı júrgenin aıtqan bolatyn.
«Óıtkeni eń jaqsy biletin adamyń týraly kıno túsirý, óziń týraly týyndy túsirýmen birdeı. Ol óte qıyn. Akterlardyń oıyny kezinde munyń bári ótirik ekenin ishteı uǵynasyń. Jaqsy nárse shyǵarý úshin ol nársemen jete tanys bolmaý kerek dep oılaımyn», - degen edi ol baspasóz máslıhatynda.
Vıktor Tsoı 1962 jyly 21 maýsymda týǵan. 15 jasynda ol úlgerimi nashar bolǵasyn Serov atyndaǵy kórkemóner mektebinen shyǵyp qalǵan.
Ár jyldary ol túrli mýzykalyq ujymdarda jumys istegen.
1981 jyly ol úsh serigimen «Garın ı Gıperboloıdy» degen top qurǵan. Keıin serikteriniń biri áskerge shaqyrylǵan soń top atyn «Kıno» dep ózgertti.
