Almatyda VIII respýblıkalyq pedagogıkalyq olımpıada ótip jatyr
ALMATY. 4 mamyr. QazAqparat - Búgin Almatyda «Daryndy balalarǵa - talantty ustaz» VIII respýblıkalyq pedagogıkalyq olımpıada óz jumysyn bastady.
«Daryn» respýblıkalyq ǵylymı-tájirıbelik ortalyǵynyń dırektory Sholpan Qırabaevanyń aıtýynsha, jyl saıyn uıymdastyrylatyn bul olımpıadaǵa respýblıkanyń 14 oblysy men Astana, Almaty qalalarynan 600-ge jýyq adam qatysýda. Olar: pedagogıkalyq joǵary oqý ornyn tańdaǵan joǵary synyp oqýshylary, pedagogıkalyq kolledjderdiń bilim alýshylary, pedagogıkalyq joǵary oqý oryndarynyń 2-4 kýrs stýdentteri, magıstranttar men 3 jylǵa deıingi eńbek ótili bar pedagogtar, psıhologtar jáne tálimgerler. Basty maqsat - pedagogtardyń mártebesin kóterý jáne bilim berý úrdisine zamanaýı tehnologııalar men ádistemelerdi, halyqaralyq tájirıbelerdi engizý. Al jeńimpazdar men júldegerlerdi joǵary oqý oryndarynyń, gýmanıtarlyq kolledjderdiń oqytýshylary, joǵary sanatty muǵalimder men psıhologtardan quralǵan qazylar alqasy anyqtaıdy.
Eki kúndik bul sharanyń qorytyndysy erteń belgili bolmaq.
