Almatyda VІІІ halyqaralyq ǵylymı N.Nádirov oqýlary ótip jatyr

Halyqaralyq ǵylymı N.Nádirov oqýlary ǵylymı jumystar men ınjenerlik salany jáne oqý úderisterin zamanaýı turǵyda jeteldirý maqsatynda 2001 jyldan beri uıymdastyrylyp keledi.

Alqaly jıyndy QazUÝ rektory Baqytjan Jumaǵulov óziniń quttyqtaý sózimen ashyp, ǵalymnyń eren eńbekterine toqtalyp ótti. «Elimizdiń jetekshi ýnıversıteti sanalatyn QazUÝ-de VІІІ halyqaralyq ǵylymı N.Nádirov oqýlarynyń ótýi biz úshin úlken mártebe. Mundaı oqýlar jas jáne tájirıbeli ǵalymdardyń ǵylym jolyndaǵy óz kózqarastaryn ortaǵa salyp, pikir almasatyn qoǵamdyq minberge aınalyp otyrǵanyn ýaqyt kórsetip otyr», deıdi rektor.

QR Ulttyq Ǵylym akademııasynyń akademıgi N.K.Nádirov - munaıhımııasy jáne munaı óndirý jumystarynyń qazaqstandyq ǵylymı mektebin qalyptastyrǵan álemdik deńgeıdegi ǵalym, 800-den asa jarııalanymnyń, 27 monografııanyń, 300-deı ǵylymı eńbektiń, bes ǵylymı jańalyqtyń avtory. Qazaq KSR memlekettik syılyǵynyń laýreaty, KSRO Qurmetti munaıshysy, KSRO ǵylym tanýshysy, I.M.Gýbkın atyndaǵy syılyqtyń ıegeri, QR Qurmetti ınjeneri, Reseı federatsııasynyń úzdik halyq aǵartýshysy, Ǵylym marshaly (Frantsııa) jáne taǵy basqa kóptegen ataqtarmen marapattalǵan.

Shara aıasynda zamanaýı munaı-gaz kesheniniń ǵylymı-tehnologııalyq baǵytynyń damýy, otandyq jáne sheteldik ǵalymdardyń jańa ıdeıasy men baǵyt-baǵdary, tájirıbesi, múmkindikteri tóńireginde baıandamalar oqylyp, talqylanýda. Oǵan munaı-gaz ǵylymynyń, tehnıka jáne óndiris salasynyń mamandary - stýdentter, akademıkter, aspıranttar jáne jas ınjenerler, iri óndiris oryndarynyń jetekshileri, joǵary oqý oryndarynyń professorlary men joǵary deńgeıdegi menedjerler qatysýda.

Eki kúnge jalǵasatyn N.Nádirov oqýlarynyń ótýine "KazRosGaz" kompanııasy demeýshilik jasaǵan.