Almatyda VІІ respýblıkalyq «Shapaǵat» baıqaýynyń úzdik ónertapqyshtary anyqtaldy
ALMATY. Sáýirdiń 24-i. QazAqparat /Názıra Eleýhan/ - Keshe Almatyda QR Ádilet mınıstrligi Ulttyq menshik quqyǵy komıteti jáne «Intellektýaldyq menshik ulttyq ınstıtýty memlekettik qazynalyq kásipornynyń» uıymdastyrýymen ónertabys salasyndaǵy jetistikter jónindegi VІІ respýblıkalyq «Shapaǵat» baıqaýy ótip, úzdik ónertapqyshtar anyqtaldy, dep habarlaıdy QazAqparat.
«Ultyq zııatkerlik menshik ınstıtýtynyń» dırektory Syrym Bekenovtyń aıtýynsha, osymen jetinshi ret ótkizilgen jyl saıynǵy baıqaý eldegi ınnovatsııalyq is-áreket pen ónertapqyshtyqtyń rólin dáriptep, óndiristik sektorǵa ınvestıtsııalardy tartyp, ázirlemeler endirýge yqpal etip, otandyq ónertapqyshtardy yntalandyryp keledi. «Bul oraıda, men búgin ǵylym men mádenıetke jáne qoǵamnyń damýyna qomaqty úles qosyp otyrǵan ǵalymdar men ónertapqyshtarǵa jáne shyǵarmashylyq qyzmetkerlerge mol alǵysymdy aıtqym keledi», dedi ol.
Sonymen qatar, ol :«Búginde bul baıqaý Búkilálemdik zııatkerlik menshik uıymy Bas assambleıasy bastamasynyń is júzine asyrylǵanynyń aıqyn kórinisi bolyp, jyldan jylǵa qanatyn jaıyp keledi. Zııatkerlik menshik - bilimge negizdelgen, ekonomıkanyń qurylýyna áser beretin memlekettiń mańyzdy resýrstary bolyp tabylady. Bul kezekte, bizdi bul salaǵa memlekettiń mán berip otyrǵandyǵy qýantady», dep atap ótti.
Baıqaý jeńimpazdary «Jyldyń úzdik ónertabysy», «Eń úzdik ónertapqysh», «Áıel-ónertapqysh», «Eń jas ónertapqysh», «Eń belsendi ónertapqysh», «Jas daryn» atalymdary boıynsha anyqtalyp, Qazaqstannyń ınnovatsııalyq damýyna qosqan úlesi úshin arnaýly dıplomdarmen jáne Búkilálemdik ıntellektýaldyq menshik uıymynyń medalimen marapattaldy. Al, baıqaý laýreattaryna 100 myń teńge kóleminde aqshalaı syılyqtar tabystaldy. Bıylǵy baıqaýda «Eń jas ónertapqysh» retinde petropavldyq Ábý Dosmuhanbetov atyndaǵy daryndy balalarǵa arnalǵan ınternat-gımnazııanyń 5-shi synyp oqýshysy Márken Saıanov "Qolqanat atty pýltpen baǵyttap júrgizetin arý" atty avtorlyq jumysy úshin úzdik tanyldy. Onyń aıtýynsha, ol bul robotty atasy men ájesi úshin "kómekshi" bolsyn degen nıetpen jasaǵan.
