Almatyda VI Respýblıkalyq ınnovatsııalyq-pedagogıkalyq ıdeıalar festıvali ótedi

«Daryn» respýblıkalyq ǵylymı-praktıkalyq ortalyǵynyń baspasóz qyzmetiniń málimetinshe, konferentsııanyń maqsaty - bilim berý uıymdarynda oqý-ádistemelik jumystardy jetildirý jáne psıhologııalyq-pedagogıkalyq tájırıbeniń ǵylymmen baılanysyn nyǵaıtý, ınnovatsııalyq tehnologııalardy engizý, úzdik tájirıbelerdi taratý, daryndy balalarmen jumys júrgizýde pedagogtardyń jeke kásibı daıarlyǵyn arttyrý bolyp tabylady.

Innovatsııalyq-pedagogıkalyq ıdeıalar festıvali- ol shyǵarmashyl pedagog-zertteýshilerdi anyqtaý jáne qoldaý, olar ázirlegen pedagogıkalyq ıdeıalardyń taratylýyna yqpal etý, ınnovatsııalyq tehnologııalar, ádistemeler, modelderdi beıimdeý men saraptaý, sonymen qatar pedagogtardyń kásibı qarym-qatynastaryn qalyptastyrý.

Festıvalǵa 3 jyldan kem emes ınnovatsııalyq qyzmetpen aınalysatyn pedagogıkalyq qyzmetkerler, mektepke deıingi jáne jalpy orta bilim berý, qosymsha orta bilim berý uıymdarynyń ujymdary, oblystardyń, Astana jáne Almaty qalalary pedagogıkalyq kadrlardyń bilimin jetildirý jáne qaıta daıarlaý ınstıtýttarynyń ádiskerleri qatysa alady.

Bul sharaǵa qatysýǵa daryndy balalarmen jumys isteıtin bilim berý uıymdarynyń 184-den asa pedagogtary ótinim berdi.

Festıvalǵa qatysýshylarǵa sertıfıkattar tapsyrylady, jeńimpazdar men júldegerler Qazaqstan Respýblıkasy Bilim jáne ǵylym mınıstrliginiń Qurmet gramotalarymen, I, II, III dárejeli dıplomdarymen marapattalady.

Festıvaldiń saltanatty ashylýy 2010 jyly 18 jeltoqsan kúni, al saltanatty jabylýy 19 jeltoqsan kúni Almaty qalasynda «Alataý» shıpajaıy bazasynda ótedi.