Almatyda VI qazaqstandyq mektep oqýshylarynyń «Zerde» respýblıkalyq baıqaýynyń aqtyq kezeńi ótedi

Ony Qazaqstan Respýblıkasynyń Bilim jáne ǵylym mınıstrliginiń «Daryn» respýblıkalyq ǵylymı-tájirıbelik ortalyǵy Almaty qalasy Oqýshylar saraıymen birlese uıymdastyryp otyr. Baıqaýdyń maqsaty balalardyń tanymdyq qyzyǵýshylyqtary jáne zııatkerlik-shyǵarmashylyq áleýetin yntalandyrýǵa baǵyttalǵan.

Baıqaýdyń aldyna qoıylǵan ózindik mindettemeleri bar. Sonyń negizinde, oqýshylardy mektep jasynan ǵylymı izdenis jumystaryna tartý, ǵylymı-tehnıkalyq jáne zııatkerlik shyǵarmashylyqqa qabiletti daryndy balalardy qoldaý jáne basqa da máselelerdi qolǵa alýdy kózdeıdi.

Sharaǵa 300-deı oqýshy qatysqaly otyr. Olar qazaq tili men ádebıeti, orys tili men ádebıeti, ınformatıka-matematıka, fızıka-tehnıka, medıtsına, tarıh-etnomádenıettaný, bıologııa-hımııa-ekologııa, geografııa-ólketaný sektsııalary boıynsha synǵa túsedi.

Baıqaý qorytyndysynda jeńimpazdar ár sektsııa boıynsha 1-4-synyp oqýshylary jáne 5-7-synyp oqýshylary bolyp 2 jas erekshilikterine baılanysty anyqtalady. Jeńimpazdar dıplomdar jáne júldeli syılyqtarmen marapattalady.

Al baıqaý qorytyndysy boıynsha kishi toptyń úzdik jumystary mektepke deıingi jáne bastaýysh synyp oqýshylarynyń zertteý jumystary men shyǵarmashylyq jobasy «Men - zerteýshimin» búkilreseılik baıqaýyna usynylady.