Almatyda VI halyqaralyq sapa forýmy ótýde

Turaqty damýdy qamtamasyz etetin faktordyń biri - sapa. Forýmdy uıymdastyrýshylar osy is-sharany ótkizý arqyly taýar óndirýshilerdiń, memlekettik basqarý organdarynyń jáne qoǵam nazaryn taǵy bir ret sapa máselesine aýdartýdy kózdep otyr.

Atalǵan sharanyń negizgi mindeti - qazaqstandyq aýdıtorııany halyqaralyq menedjment standarttary men kompanııanyń qyzmetin jetildirýdiń jańa quraldaryn engizý salasyndaǵy álemdik betalystar týraly habardar etý.

Forýmǵa sapa salasyndaǵy elimizdiń mamandarynyń deńgeıin joǵary baǵalaıtyn Sapa jónindegi kásibı mamandardyń halyqaralyq gıldııasy músheleri qatysýda. Sonymen qatar shara aıasynda zamanaýı jaǵdaılarda menedjmenttiń tıimdi tustaryn qoldanýdyń ádistemelik jáne tájirıbelik máseleleri de qarastyrylýda. Máselen, jetekshi ǵalymdar kompanııalardyń qyzmetin jetildirý salasyndaǵy álemdik betalystar týraly baıandasa, eń tabysty kásiporyndardyń basshylary básekelesýdi arttyrý jónindegi keńesterin ortaǵa saldy.

8-shi qazanǵa deıin jalǵasatyn bul forým QR ındýstrııa jáne jańa tehnologııalar mınıstrligi, Almaty qalasy ákimdigi men Qazaqstan sapa kóshbasshylary qaýymdastyǵynyń qoldaýymen ótip otyr.