Almatyda «Veterınarlyq tájirıbeniń zamanaýı aǵymy» taqyrybynda konferentsııa ótip jatyr
ALMATY. Qarashanyń 5-i. QazAqparat /Ádilet Musahaev/ - Almatyda 3-shi halyqaralyq «Veterınarlyq tájirıbeniń zamanaýı aǵymy» atty ǵylymı-tájirıbelik konferentsııa ótip jatyr,
dep habarlaıdy QazAqparat.
Konferentsııa barysynda otandyq mamandar men Reseı jáne Ortalyq Azııadan kelgen qonaqtar, «juqpaly aýrýlar», «juqpaly emes ishki aýrýlar jáne olardy zertteý ádisteri», «veterınarlyq qurylǵylar men jabdyqtar», «veterınarlyq menedjment suraqtary men etıkasy» taqyryptarynda baıandamalar oqyp, veterınarlyq tájirıbeniń zamanaýı aǵymyn talqylady. Sondaı-aq veterınarlyq ónimderdiń jáne veterınarlyq klınıkalar men zerthanalarǵa arnalǵan qurylǵylardyń kórmesi boldy.
«Biz sheteldik mamandarmen emdeýdiń jańa nusqalarymen almasyp, profılaktıkalyq ádistermen bólise otyryp veterınar dárigerdiń tájirıbesine qajetti dári-dármektermen tanystyq», deıdi sharany uıymdastyrýshy, «Ekvı Lab» JShS-niń dırektory Janneta Kómekbaeva.
