Almatyda «Vertıkaldy shaqyrym» halyqaralyq júgirý jarysy ótýde
ALMATY. Qazannyń 23-i. QazAqparat /Erbol Turymbetov/ - Búgin Almatydaǵy «Aqbulaq» saýyqtyrý kesheniniń mańynda órge qaraı júgirýden «Vertıkaldy shaqyrym» atty halyqaralyq jarys ótýde.
Ony QR Ulttyq olımpıada komıteti bıyldan bastap «Azıadaǵa 100 kún qaldy» aktsııasynyń aıasynda uıymdastyrylyp otyr. Jarysqa elimizben qatar, kórshi memleketterden de áýesqoı sportshylar qatysýda.
Qatysýshylar júgirýdi 1610 metr bıiktikten bastap 2610 metr bıiktikte aıaqtaıdy. Jeńimpazdar 2 sanat boıynsha marapattalady. Jekeleı synda - joldy alǵashqy bolyp aıaqtaǵandar. Al toptyq básekede - 2 erler jáne 1 áıelder toby nátıjeleri boıynsha ótedi. Sonymen birge, «eń jas» jáne «eń úlken» qatysýshylar atalymdary boıynsha da marapattaýlar bolady.
Qazaqstanda jyl saıyn 3 taýǵa qaraı júgirý jarysy, atap aıtqanda shildede - «Nursultan» quzynda, qysta - qaıtys bolǵan alpınıster árýaǵyna «Amangeldi» shyńynda jáne mamyrda - Kishi Almaty shatqalyndaǵy qossaıys ótedi.
