Almatyda velojoldarda ereje buzǵan júrgizýshiler 1 mln teńgege jýyq aıyppul tóleıdi
ALMATY. QazAqparat - Almatyda jańadan ashylǵan velojoldarda 85 júrgizýshi jol erejesin buzǵan, dep habarlaıdy QazAqparat tilshisi.
Qalalyq ІІD baspasóz qyzmetiniń habarlaýynsha, olarǵa 1 mln teńgege jýyq aıyppul salyndy.
«Atap aıtqanda, Shevchenko kóshesinde - 50, Qonaev kóshesinde 35 derek tirkelgen. Bul júrgizýshilerge 964 myń 325 teńge kóleminde aıyppul salyndy. Al bir táýlikte atalǵan ýchaskede 44 quqyqbuzýshylyq deregi tirkelgen. Kóbinese kólikti turaqqa qoıý, toqtaý erejeleri buzylǵan. Qala bıligi qazirgi tańda velosıpedshilerge barynsha jaǵdaı jasaýǵa tyrysyp jatyr. Máselen, Shevchenko kóshesinde jyldamdyq saǵatyna 40 shaqyrymǵa deıin tómendetildi. Mundaı qadamdar velosıpedshiler úshin jasalyp jatyr. Bul ózgeristerge qoǵam úırenýi kerek», - dedi qalalyq ІІD jergilikti polıtsııa qyzmetiniń basshysy Jasulan Baıkenov.
Sondaı-aq, qalalyq polıtsııa arnaıy avtobýs jolaqtarynda jol erejesin buzǵan júrgizýshilerge 380 mln 568 myń teńge kóleminde aıyppul salǵan.
