Almatyda velojarysqa baılanysty kólik joldary jabylady
ALMATY. QazAqparat - 7 tamyz kúni Almatyda «Visa Tour of World Class Almaty 2022» velosıped jarysynyń ótýine baılanysty jol qozǵalysy ishinara shekteledi, dep habarlaıdy QazAqparat tilshisi.
Almaty qalasy ákimdiginiń málimetinshe, jyl saıynǵy Visa Tour of World Class Almaty velosıped jarysy bıyl jetinshi ret ótkiziledi. Oǵan shamamen 1 myńǵa jýyq adam qatysady.
Jarys tańǵy saǵat 8:00-de 14 shaqyrymǵa balalar startynan bastalady.
«32 jáne 52 km qashyqtyqtarǵa qatysýshylar Mega Almaty saýda ortalyǵynan Shyǵys aınalma avtomobıl jolymen (ShAAJ) baǵdar boıynsha júrip ótedi, «Halyk Arena» muz kesheninen ótip, Rysqulov dańǵylyndaǵy jol aıryǵynda keri burylady.
32 km qashyqtyqtaǵy atletter ál-Farabı dańǵylymen júrip ótip, Mega Almaty SOO-dan márege qaraı burylady. Al 52 km qashyqtyqtaǵy qatysýshylar óz baǵdaryn ári qaraı Saın kóshesinen Rysqulov kóshesine deıin jalǵastyrady.
Velosıpedshiler burylyp, Rozybakıev kóshesine jetken soń, ary qaraı márege qaraı bet alady»,- delinedi habarlamada.
Jarysty uıymdastyrýshylardyń málimetinshe, bıyl trassanyń artyqshylyǵy – 180 gradýsty quraıtyn súıir burylystardyń bolmaýy. Bul áýesqoı velosıpedshilerdiń baǵytyn jeńildetpek.
Kólik qozǵalysy myna kóshelerde shekteledi:
1) Rozybakıev kóshesi (Shyǵys jáne Batys jaǵy) Levıtan kóshesinen ál-Farabı dańǵylyna deıin, 05:00 - 13:00 aralyǵynda.
2) ál-Farabı dańǵyly (ońtústik jaǵy) Rozybakıev kóshesinen Nazarbaev dańǵylyna deıin, 08:00- 09:30 aralyǵynda.
3) ál-Farabı dańǵyly (soltústik jaǵy) Nazarbaev dańǵylynan Rozybakıev kóshesine deıin, 08:10 - 11:20 aralyǵynda.
4) ShAAJ (shyǵys jaǵy) 09:15-ten 09:50-ge deıin
5) ShAAJ (batys jaǵy) 09:30-dan 10:40-qa deıin
6) Saın kóshesi (shyǵys jaǵy) Rozybakıev kóshesinen Rysqulov dańǵylyna deıin, 10:30 - 11:40 aralyǵynda.
7) Saın kóshesi (batys jaǵy) Rysqulov dańǵylynan Rozybakıev kóshesine deıin, 10:50 - 12:00 aralyǵynda.
Sońǵy qatysýshy saǵat 13.00-ge deıin qashyqtyqty ótkennen keıin avtokólik qozǵalysy tolyq qalpyna keltiriledi.
