Almatyda velojarys ótýine baılanysty jol qozǵalysy shekteledi
ALMATY. QazAqparat - Almatyda 20 tamyz - sport kúnine baılanysty áýesqoı sportshylar arasynda «Tour of World Class Almaty» velojarysy ótedi. Osyǵan qaraı, Almatynyń birqatar kóshelerinde jol qozǵalysy shekteledi, dep habarlaıdy QazAqparat tilshisi.
Jarystyń máre syzyǵy Rozybakıev kóshesiniń boıynda «Mega Alma-Ata» saýda ortalyǵyna qarama qarsy aımaqtan bastalady.
Tańǵy 7:00-den 13:00 arasynda tómendegi keste boıynsha kósheler jabyq bolady.
Qatysýshylar 14 shaqyrymdyq, 34 shaqyrymdyq, 57 shaqyrymdyq qashyqtyqtardy baǵyndyrady.
«Bıylǵy jarys óte qyzyq bolmaq. 57 shaqyrymdyq qashyqtyqta Almatydaǵy belgili velokomandalar: Almaty Bro Team, World Class Almaty, Alatau Racing Team, Apple City Team, Isker Company, Good Energy toptary baq synaıdy. Búginde 750 adam tirkeýden ótti. Qazir ortalyqtar start nómirlerin taratyp jatyr», - dedi «Almaty marafon» dırektory Saltanat Qazybaeva.
Bıyl qatysýshylar jyldaǵydan ózge baǵyt boıynsha jarysady.
«Qaýipsizdik maqsatynda shlemi, starttyq nómiri bar sportshylar, sondaı-aq, velokóliginde tehnıkalyq aqaýy joq sportshylar ǵana jarysqa jiberiledi», - dedi «Tour of World Class Almaty» bas tóreshisi Sergeı Gýtsalıýk.
