Almatyda velosıpedshini qaqqan avtobýs júrgizýshisiniń ústinen is qozǵaldy
ALMATY. QazAqparat - Almaty qalalyq ІІD velosıpedshini qaǵyp ketken avtobýs júrgizýshisine qatysty pikir bildirdi, dep habarlaıdy QazAqparat tilshisi.
«Atalǵan faktige baılanysty sot-medıtsınalyq saraptama taǵaıyndaldy. Eger jábirlenýshiniń densaýlyǵyna aıtarlyqtaı zııan kelmese is ákimshilik tártipte qaralady. Al ortasha nemese aýyr zaqym kelgen bolsa is qylmystyq sıpat alýy múmkin»,-dep málim etti departamenttegiler.
Eske sala ketsek, 20 tamyz kúni avtobýs júrgizýshisi velosıped teýip kele jatqan jas qyzdy qaǵyp ketken bolatyn. Ol óziniń komandasymen Qulja tas jolynyń boıynda ketip bara jatqan. Jol-kólik oqıǵasy saldarynan jábirlenýshi jaraqattanǵan edi.
