Almatyda velosıpedshi mototsıklge soǵylyp kóz jumdy
ALMATY. QazAqparat- Almatyda mototsıkl júrgizýshisi velosıpedshini qatty jyldamdyqpen qaǵyp, mert qyldy, dep habarlaıdy QazAqparat tilshisi.
Oqıǵa 27 maýsym kúni ál-Farabı dańǵyly men Shashkın kóshesiniń qıylysynda boldy.
«Mototsıkl júrgizýshisi velosıpedshini qaǵyp, oqıǵa ornynan qashyp ketken. 1978 jyly týǵan er adam jeded járdem kelgenshe, oqıǵa ornynda kóz jumdy. Qazirgi ýaqytta mototsıkl júrgizýshisi ustaldy. Tergeý júrip jatyr»,- dep habarlady polıtsııadan.
Atalǵan derek Qazaqstan Respýblıkasy Qylmystyq kodeksiniń 345-baby, 3-bóligi boıynsha sotqa deıingi tergeýdiń biryńǵaı tizilimine tirkeldi.
