Almatyda velosıped teýip júrgen qyz aıaǵynan aıyryldy
ALMATY. QazAqparat - Qoqys tasıtyn kólik Almatyda velosıped teýip júrgen qyzdy qaǵyp ketti, dep habarlaıdy «QazAqparat» HAA tilshisi.
Kýágerlerdiń aıtýynsha, oqıǵa Lavrenev kóshesinde bolǵan. Qoqys tasıtyn «KamAz» soltústik baǵytty betke alyp bara jatqan. Kelesi kóshege burylyp bara jatqan júk kóligi trotýarmen kele jatqan velosıpedtegi qyzdy qaǵyp ketti.
Oqıǵa ornyna jetken jedel járdem qyzmeti, aýyr jaralanǵan boıjetkendi aýrýhanaǵa jetkizdi. Artynan anyqtalǵandaı, dárigerlerge qyzdyń aıaǵyn kesýge týra kelgen.
Polıtseıler qazir istiń sebep-saldaryn anyqtaý ústinde.
