Almatyda velosherýge 700-ge jýyq áýesqoı sportshy qatysty
ALMATY. QazAqparat - «Sporttyq Almaty» baǵdarlamasy aıasynda kezekti velosherý ótti, dep habarlaıdy aqparattyq-sporttyq HAB.
700-ge jýyq qala turǵyndary men qonaqtary «Nurly Taý» bıznes ortalyǵy alańynan bastap, Qazaqstan iskerlik yntymaqtastyq ortalyǵy «Atakentke» deıin júrip ótti. Velosherýdiń jalpy qashyqtyqty 9 shaqyrym.
Márede qatysýshylar tanymal art-obektisi «Úlken tıindi» tamashalap, baǵaly syılyqtar men velosıpedterge ıe boldy. Sonyń birin Ejebekovtar otbasy utyp aldy.
«Búgin biz birinshi ret búkil otbasymyzben qatystyq, osy ýaqytqa deıin ózim arasynda keletinmin. Meniń ulymnyń baǵy bar eken, kele salyp velosıped utyp aldy. Óte qýanyshtymyz. Ózim velosıped tepkendi jaqsy kóremin, aptasyna bir ret jumysqa baryp turamyn», - dedi Vıtalıı Ejebekov.
Aıta keter jaıt, bul velosherý «Sporttyq Almaty» qalalyq baǵdarlamasynyń qoldaýymen 2018 jyly josparlanǵan 21 velosherýdiń on ekinshisi bolyp sanalady.
