Almatyda velosherý maýsymynyń jabylýy ótedi

ASTANA. QazAqparat - Qazannyń 22-i kúni  alyp shaharda  «Sporttyq Almaty» baǵdarlamasy aıasynda bıylǵy velosherý maýsymynyń jabylýy ótedi, dep habarlaıdy Aqparattyq jáne sporttyq HAB.

Tańǵy saǵat  08:30-da velosherý qatysýshylary «Nurly Taý» bıznes ortalyǵy mańynda jınalyp, uıymdastyrýshylardan baǵaly syılyqtar oınatylatyn lotoreıanyń  nómirlerin  alyp, odan keıin 8 shaqyrym qashyqtyqty júrip ótetin bolady. Osy velosherýdiń baǵyty: Seıfýllın, Sátpaev, Baızaqov, Abaıa jáne  Jeltoqsan kósheleri. Al sporttyq sharanyń  máresi - jóndeý jumystarynan keıin ashylǵan Astana alańy. 

Márede qatysýshylardyń arasynda kóptegen baǵaly syılyqtar, 10 velosıped oınatylyp, kontserttik baǵdarlama uymdastyrylady.  Sonymen qatar, márege birinshi kelgen 600 áýesqoıǵa medaldar  tabystalady.  

Uıymdastyrýshylar óz tarapynan, qatysýshylarǵa arnaıy bas kıimsiz (shlemsiz) qatysýǵa tyıym salynatyndyǵyn eskertedi.

Aıta keter jaıt, osy velosherý «Sporttyq Almaty» qalalyq baǵdarlamasynyń qoldaýymen 2017-shi jyly josparlanǵan 21 velosherýdiń sońǵysy bolyp sanalady. Osy velosherý «Hawaii» akvaparki, «Fuse tea» jáne «Bon aqua» kompanııalarynyń demeýshiligimen ótedi.

«Sporttyq Almaty» baǵdarlamasy megapolıstegi buqaralyq sportty damytý maqsatynda júzege asyrylýda.