Almatyda velosherý maýsymy aıaqtaldy
ALMATY. QazAqparat - Almatyda velosherý maýsymy aıaqtaldy, dep habarlaıdy QazAqparat tilshisi.
Almaty qalasynda áýesqoılarǵa arnalǵan velosherý maýsymy aıaqtaldy. Bıylǵy maýsymdy qorytyndylaýǵa 1 myńǵa jýyq velosıpedshi qatysty.
21-shi velosherý qatysýshylary ádettegideı, jeksenbi kúni tańǵy saǵat 08:30-da «Nurly Taý» bıznes ortalyǵynyń mańyna jınalyp, Astana alańyna qaraı 8 shaqyrym qashyqtyqty júrip ótti. Márege birinshi kelgen 600 áýesqoıǵa medaldar tabystaldy. Sonymen qatar, qatysýshylardyń arasynda kóptegen baǵaly syılyqtar, onyń ishinde basty syılyq - 10 velosıped oınatyldy.
Aıta keteıik, endi ár jeksenbi saıyn 19:00-den 21:00-ge deıin Medeý muz aıdynynda velosherýdi uıymdastyrýshy «Sporttyq Almaty» baǵdarlamasy konkı tebýdi tegin úıretýdi qolǵa alady.
Eske sala ketsek, bıylǵy velosherý maýsymy 10 sáýirde bastalǵan bolatyn. Jalpy, 21 velosherýge 21 myńnan astam adam qatysty.
«Sporttyq Almaty» baǵdarlamasy megapolıstegi buqaralyq sportty damytý maqsatynda qolǵa alynǵan bolatyn.
