Almatyda veloınfraqurylymdy damytýǵa 150 mln teńge bólinedi
ALMATY. QazAqparat – Almaty ákimdigi qala aýmaǵynda kólikterdiń júrisin shektep, veloınfraqurylymdy damytýǵa 148 mln teńge bóledi, dep habarlaıdy QazAqparat tilshisi.
Osyndaı málimdeme memlekettik satyp alýlar portalynda jarııalandy.
Almaty Qalalyq mobıldilik basqarmasy 148 mln teńgege tapsyrys bergen.
Qujatta kórsetilgendeı, basty maqsat -qalada kólikter bóletin zııandy zattardy azaıtý.
Zertteý aýmaǵyna Rysqulov – Shyǵys aınalma joly – Ál-farabı – Saın kósheleri jatady.
Eń aldymen, qaladaǵy qazirgi ahýal tyńǵylyqty zertteýdi talap etedi.
Ekinshiden, halyqaralyq tájirıbeni eskerý qolǵa alynady.
Úshinshiden, júk kólikteriniń turaqty ári ýaqytsha júk jetkizetin nysandary zertteledi.
Tórtinshiden, júk tasymaly parkiniń qurylymy men jumysy taldanady.
Jumystyń ekinshi kezeńinde veloınfraqurylymdy damytý kózdelgen.
