Almatyda Valerıı Korenchýktiń kórmesi ótip jatyr
ALMATY. Qyrkúıektiń 10-y. QazAqparat /Erbol Turymbetov/ - Búgin Almatydaǵy «Umaı» óner murajaıynda Valerıı Korenchýktiń «Sanadaǵy kúmis jańǵyryq» atty jeke fotokórmesi ashyldy,
dep habarlaıdy QazAqparat.
Kórme Qazaqstan fotoóneri sheberiniń 70 jyldyq mereıtoıyna arnalyp otyr. Onyń jumystary álemniń 45 elinde 662 halyqaralyq kórmelerde qoıylǵan. Júzdegen qurmet belgilerine ıe. Olardyń ishinde ıÝgoslavııadaǵy «Altyn kóz - 77» Gran-prıi, «Áleýmettik fotoóneri úshin» 8 halyqaralyq premııa, FIAP Halyqaralyq fotografııa óneri, Amerıka, Ońtústik Afrıka, Pákistan fotografııa qaýymdastyqtarynyń altyn medaldary, Italııadaǵy «Altyn taýys» klýbtyq kollektsııasy men «fotojýrnalıstıka» salasy boıynsha Argentınadaǵy «El Gaýcho» kúmis júldeleri bar.
Korenchýk «Image san frontier» Eýropa fotografııa qaýymdastyǵynyń, Pákistan foto qaýymdastyǵynyń jáne t. b. kóptegen halyqaralyq uıymdardyń qurmetti múshesi bolyp tabylady.
10 kún boıy jalǵasatyn kórmede 70 qara-aq tústi jáne 30 túrli-tústi fotolar qoıylǵan. Ashylý saltanatynda mereke ıesine «Fotografııa damýyna qosqan úlesi úshin» Igor Gorbachev atyndaǵy Reseı syılyǵy berildi.
