Almatyda vaktsınalaý qarqynyn arttyrý kerek – Bekshın
ALMATY. QazAqparat - Almatyda jappaı vaktsınalaý bastalǵaly beri 296 296 adam koronavırýsqa qarsy ekpe aldy. Mundaı derekti óńirlik kommýnıkatsııalar qyzmetiniń baspasóz konferentsııasy barysynda Almaty qalasynyń sanıtarlyq-epıdemıologııalyq baqylaý departamentiniń basshysy Jandarbek Bekshın keltirdi, dep habarlaıdy QazAqparat tilshisi.
Jandarbek Bekshın vaktsınalaý qarqynyn kúsheıte túsý kerektigin atap ótti. Ol úshin Almatyda barlyq jaǵdaılar jasalǵan, koronavırýsqa qarsy egiletin úsh vaktsına halyqtyń suranysy boıynsha qamtamasyz etilgen.
Búginde Almatyda medıtsınalyq uıymdarda, mektepterde, mádenıet, sport nysandary men qalanyń SOO-da 211 vaktsınatsııa pýnkti bar. 1256 adamnan turatyn 307 egý brıgadasy jumyldyryldy.
Qazir Almatyda vaktsınanyń I komponentiniń 32 614 dozasy, II komponentiniń 109 673 dozasy qaldy.
Jandarbek Bekshın koronavırýspen aýyrǵandardyń jasyna qaraı quramyna kúndelikti taldaý júrgiziletinin aıtty.
«Aýrý deńgeıi 40-59 jastaǵy azamattar arasynda 1,1%-ǵa jáne 60 jastan joǵary adamdarda 0,9%-ǵa tómendegen. Alaıda 20-dan 40 jasqa deıingi jastar arasynda úles salmaǵy 1,7%-ǵa ulǵaıǵan, bul jastaǵylar kóp jaǵdaıda basqalarǵa qaraǵanda koronavırýsqa qarsy ekpeni alý qajettigin elep-eskermeıdi», - dep atap ótti ol.
